Ўзбекистон истеъмол секторидаги нархлар 13,5% га ошди
![](/upload/resize_cache/iblock/0ec/554_300_2/0ec0bd5600a35c003ffe6d2255665a91.png)
Тошкент. 27 август. ЎзТАГ - Ўзбекистон истеъмол секторида 2019 йилнинг июль ойида нархлар 2018 йилнинг июлига нисбатан 13,5% га ўсди, дея хабар беради Ўзбек телеграф агентлиги (ЎзТАГ).
"2019 йилнинг июль ойида истеъмол бозорида ўртача нарх даражасининг пасайиши қайд этилди ва бу ой дефляция 0,4% ни ташкил этди. Умуман, 2019 йилнинг январь-июль ойларида истеъмол бозоридаги товарлар ва хизматлар 5,2% га қимматлашди. 2018 йилнинг июлига нисбатан республика истеъмол секторида ўртача нарх даражаси 13,5% га ошди", - дейилади Ўзбекистон Республикаси давлат статистика қўмитаси хабарида.
Бундан ташқари, қўмита мутахассислари таъкидлаганидек, 2018 ва 2019 йилнинг январь-июль ойларида ойлик нарх ўзгаришининг динамикасини таҳлили шуни кўрсатдики, июнь ойидан бошлаб таққосланадиган даврларда умумий истеъмол баҳосидаги пасайиш қайд этилган.
"Бу асосан мавсумий тенденциялар ва мева-сабзавот маҳсулотларининг баҳосидаги катта пасайиш билан боғлиқ", - дейилади хабарда.
Сурат манбаи: bankstoday.net