Ўзбекистон қиймати $800 млндан зиёд бўлган ГЭС қуришни режалаштирмоқда
Тошкент. 15 ноябр. ЎзТАГ – Ўзбекистон қиймати $800 млндан зиёд бўлган Пском гидроэлектростанциясини (ГЭС) қуришни режалаштирмоқда, деб хабар беради Ўзбек телеграф агентлиги (ЎзТАГ) маҳаллий ОАВга асосланган ҳолда.
Ҳозирда уни лойиҳалаштириш ва тадқиқот ишларини бошланган бўлиб, ГЭСнинг ўзи Тошкент вилоятининг Бўстонлиқ туманидаги Пском дарёсида жойлашади.
Қуввати бўйича у Ўзбекистонда Чорвоқ ГЭСидан (600-620 мвт, ўртача йиллик қуввати 2 млрд квт/с) кейин иккинчи ўринда бўлади (400 мвт). Унинг йиллик ўртача электр қуввати ишлаб чиқариш салоҳияти эса 900 млн киловатт/соатга тенг бўлади.
Мутахассисларнинг ҳисоб-китобларига қараганда, лойиҳанинг умумий қиймати $800 млндан ошади. Ушбу маблағнинг катта қисмини Ўзбекистоннинг ўзи қоплайди. Бундан ташқари, Хитой Эксимбанкининг $240 млн кредитини ҳам жалб этиш режалаштирилмоқда.
Эслатиб ўтамизки, бугунда Марказий Осиёда Нурек ГЭСи (қуввати 3015 мвт), Тўхтагул ГЭСи (1200 мвт), Чорвоқ ГЭСи (600-620 мвт), Тош-Кўмир ГЭСи (450 мвт), Курпсой ГЭСи (800 минг квт) ва Учқўрғон ГЭСлари (180 тыс. квт) мавжуд.