Ўзбекистон кўмир тармоғини модернизация қилишга $690,5 млн йўналтиради
Дата: 17:21, 21-02-2017.
Тошкент. 21 феврал. ЎзТАГ – 2021 йилгача Ўзбекистон кўмир тармоғини модернизация қилишга $690,5 млн йўналтиришни режалаштирмоқда, деб хабар беради Ўзбек телеграф агентлиги (ЎзТАГ).
Жумладан, Ўзбекистон Тикланиш ва тараққиёт жамғармаси бу ишга $68,7 млн, Шанхай ҳамкорлик ташкилотининг имтиёзли кредитлари ҳисобига $378,7 млн, ўзбек тижорат банклари кредитлари ҳисобидан $155,6 млн ва корхоналарнинг ўз маблағлари эвазига $87,5 млн йўналтирилади.
“Тармоқ корхоналарида ҳам жисмонан, ҳам маънан эскирган ускуналарни янгилаш энг йирик лойиҳалардан бўлади. Унинг бошланғич қиймати $170,2 млнга тенг”, - деб таъкидлашди “Ўзбеккўмир” АЖ матбуот хизматида.
