Ўзбекистон калава ипи экспортини пасайтириш ҳисобига юқори қўшимча қийматга эга бўлган маҳсулотлар экспортини оширади

Тошкент. 3 феврал. ЎзТАГ – Ўзбекистон калава ипи экспортини пасайтириш ҳисобига юқори қўшимча қийматга эга бўлган маҳсулотлар экспортини оширади, деб хабар беради Ўзбек телеграф агентлиги (ЎзТАГ).

“Таҳлилларнинг кўрчатишича, бугунги кунда экспортнинг қарийб 50%ини ип-калава ташкил этмоқда. Келгусида унинг ҳажмини босқичма-босқич камайтириш ҳисобига ярим тайёр ва тайёр, юқори қийматга эга маҳсулотларни экспорт қилиш – устувор вазифадир. Айни вақтда тайёр маҳсулотлар улуши умумий ишлаб чиқаришнинг 47%ни ташкил этаётган бўлса, истиқболда 65,5%гача, экспорт таркибидаги улуши 41%дан 70%гача ўсиши таъминланади”,  - дейилади UzReport.uzдаги мақолада.

Шундн кейин келтирилишича, дастур доирасида 2017-2020 йилларда соҳага $2,2 млрддан ортиқ инвестициялар (шунинг деярли ярми хорижий инвестициялар) жалб қилинади.

“Инвестицион лойиҳалар тўрт босқичли тизим асосида пахта хом-ашёсини қайта ишлаб, тайёр маҳсулотгача ишлаб чиқаришга ихтисослашган махсус тўқимачилик комплекслари ва 27 мингдан ортиқ янги иш ўрни яратишга хизмат қилади. Шунингдек, 120 янги корхонани ташкил этиш ва ўндан ортиқ ишлаб чиқариш корхонасини модернизация қилиш режалаштирилган”, - деб таъкидланади мақолада.