Ўзбекистон халқаро инновацион ривожланиш рейтингида 5 поғона кўтарилди

Тошкент. 4 декабр. ЎзТАГ – “Глобал инновациялар индекси 2014” маърузасига кўра, Ўзбекистон халқаро инновацион ривожланиш рейтингидаги кўрсаткичларини яхшилади ва 2013 йилдаги маърузада эълон қилинган кўрсаткичларга солиштирганда 5 поғона кўтарилди, дея хабар беради Ўзбек телеграф агентлиги (ЎзТАГ).

Рейтинг 2007 йилдан бери ҳар йили эълон қилинади ва Корнель университети, INSEAD бизнес мактаби, Бутунжаҳон Интеллектуал мулк ташкилоти (БИМТ) томонидан биргаликда тайёрланади.

Жорий йилдаги рейтинг россиянинг Гуманитар технологиялар маркази сайтида жойлаштирилган.

Унда Ўзбекистон Тожиикстондан (137-ўрин) ўзган ҳолда 128-ўринни эгаллаган.

Хусусан, Қирғизистон 112-, Озарбайжон 101-, Қозоғистон 79-, Грузия 74-, Беларусия 58-, Россия 49-, Молдавия 43-ўринда.

Рейтингнинг биринчи уч ўрнида Швейцария, Буюк Британия ва Швеция жойлашган бўлиб, рейтинг қуйисидаги уч ўрин Яман, Того ва Суданга тегишли.