Ўзбекистон Халқ-демократик партияси президент лавозимига Ҳотамжон Кетмонов номзодини кўрсатди
Дата: 19:31, 15-01-2015.
Тошкент. 15 январ. ЎзТАГ – Тошкентда Ўзбекистон Халқ-демократик партияси (ЎХДП) Марказий кенгашининг иккинчи пленуми бўлиб ўтди. Унинг доирасида партия Марказий кенгаши раиси Ҳотамжон Кетмонов номзодини президент лавозимига кўрсатиш ҳақида қарор қабул қилинди, дея хабар беради Ўзбек телеграф агентлиги (ЎзТАГ).
Таъкидлаш зарурки, Кетмонов мазкур вазифада 2013 йил апрелидан бери ишлаб келмоқда. Бунга қадар у Андижон вилояти ҳокимининг диний ва жамоатчилик ташкилотлари билан алоқалар бўйича ўринбосари вазифасида ишлаган.
Бугун ЎзЛиДеП партияси томонидан президент лавозимига амалдаги давлат раҳбари Ислом Каримов кўрсатилган эди.
Эслатиб ўтамизки, Ўзбекистон президенти сайловлари 2015 йил 29 мартда бўлиб ўтади.
