Ўзбекистон Хитой билан учрашадиган “Санкорп” стадионига йилига 1 млн киши ташриф буюради
Тошкент. 14 январ. ЎзТАГ – Квинсленддаги (Австралия) Ўзбекистон Хитой билан учрашадиган “Санкорп” стадионига йилига 1 млн киши ташриф буюради, дея хабар беради Ўзбек телеграф агентлиги (ЎзТАГ) 2015 йилги Осиё Кубоги гуруҳ босқичи иккинчи тури ўйинидан бир неча соат олдин.
Маълумот ўрнида, маҳаллий аҳоли қозон деб атовчи “Санкорп” стадиони австралиядаги тўғрибурчак шаклидаги конструкцияга эга бўлган илк спорт аренасидир. 53 минг киши сиғадиган стадионда регби-юнион, регбилиг, футбол ўйинлари ва Австралия ва жаҳон санъат юлдузларининг концертлари ўтказилади.
Брисбеннинг Милтон мавзесида жойлашган замонавий стадион шаҳар марказидан бир неча минутлик йўлда жойлашган. Квинсленд аҳолиси ушбу жойни ўз шаҳар ва штатларининг фахри деб биладилар.
Ушбу стадион Миллий регби лигасининг “Брисбен Бронкос”, “Квинсленд редс” регби-юнион ва “Брисбен Роар” футбол жамоасининг уй стадиони ҳисобланади. Бундан ташқари, “Санкорп” стадионида Миллий регби лигасининг ҳал йилги “Стейт-оф-ориджин” деб номланувчи Квинсленд ва Янги жанубий Уэльс ўртасидаги ҳал қилувчи ўйини ўтказилади. Стадион олдида Миллий регби лигасининг олдинги машҳур ўйинчиси Уолли Льюиснинг ҳайкали ўрнатилган. Ишқибозлар уни “Лэнг-Парк императори” деб атайдилар.
Бугун тошкент вақти билан соат 14.00да Брисбендаги “Санкорп” стадионида Ўзбекистон ва Хитой термалари ўртасида учрашув бўлиб ўтади.
Эслатиб ўтамизки, Осиё қитъасининг 16-биринчилиги 9-31 январ кунлари Австралиянинг беш шаҳри - Сидней, Ньюкасл, Брисбен, Канберра ва Мельбурнда бўлиб ўтмоқда.
