Ўзбекистон хорижликлар учун визаларни бекор қилишни 4 йилга кечиктирди
Тошкент. 9 январ. ЎзТАГ – Ўзбекистон хориж давлатлари учун визасиз режим жорий қилишни бекор қилишни 2021 йил 1 январигача ортга сурди, деб хабар беради Ўзбек телеграф агентлиги (ЎзТАГ) давлат раҳбарининг қарорига асосланган ҳолда.
Муддатнинг нима сабабдан тўрт йилга кечиктирилгани хужжатда аниқлаштирилмаган. Аммо ушбу қарор сайёҳлик фаолиятини барқарор ва мувозанатлаштирилган ҳолда тараққий эттириш, зарур моддий-техник базани шакллантириш, хорижлик сайёҳлар ва республика фуқаролари ҳаёти хавфсизлиги ва саломатлигини таъминлаш, шунингдек, чет эл давлатлари билан тенг ҳуқуқли ташқи иқтисодий ҳамкорликни ривожлантириш мақсадида қабул қилингани айтиб ўтилган.
Эслатиб ўтамизки, ўтган йил декабрда Президент Шавкат Мирзиёев 2017 йил 1 апрелидан Ўзбекистонга ташриф буюрувчи 15 мамлакат сайёҳлари учун виза тартибини 30 кундан ошмаган муддатга, яна 12 давлатнинг 55 ёшдан ошган сайёҳлари учун бутунлай бекор қилиш тўғрисидаги қарорни тасдиқлаган эди.
Фуқаролари мамлакатга 30 кундан зиёд бўлмаган муддатга визасиз келиши мумкин бўлган мамлакатлар орасида Австралия, Австрия, Буюк Британия, Германия, Дания, Испания, Италия, Канада, Люксембург, Голландия, Корея Республикаси, Сингапур, Финляндия, Швейцария ва Япония бор.
12 мамлакат орасида эса Бельгия Қироллиги, Франция, Индонезия, ХХР (сайёҳлик гуруҳлари таркибида), Малайзия, АҚШ, Вьетнам, Исроил, Польша, Венгрия, Португалия ва Чехия бор.
