Ўзбекистон Кишинёв конвенциясига қўшилди ва яна бир халқаро ҳужжатни ратификация қилди

Тошкент. 27 август. ЎзТАГ – Ўзбекистон Кишинёв конвенциясига қўшилди ва яна бир халқаро ҳужжатни ратификация қилди, дея хабар беради Ўзбек телеграф агентлиги (ЎзТАГ).

«Президент "Узумчилик ва виночилик халқаро ташкилотини ташкил этиш тўғрисидаги битимни ратификация қилиш тўғрисида"ги қонунга имзо чекди (№ЗРО–553, 26.08.2019)», – дейилади Адлия вазирлиги матбуот хизмати хабарида.

Шартнома 2001 йил 3 апрелда Парижда (Франция) қабул қилинган. Бугунги кунда узумчилик ва виночилик халқаро ташкилоти иштирокчилари 47 давлатдан таркиб топган.

"Президент "Фуқаролик, оилавий ва жиноий ишлар бўйича ҳуқуқий ёрдам ва ҳуқуқий муносабатлар тўғрисидаги Конвенцияга Ўзбекистон Республикаси қўшилиши тўғрисида"ги қонунни имзолади (№ЗРО-554, 26.08.2019 й.)”, – дейилади хабарда.

Шартнома 2002 йил 7 октябрда Кишинев (Молдова)да қабул қилинган.

Қайд этилганидек, конвенция ҳуқуқий муҳофазага кириш тартибини белгилайди, ўзаро ҳуқуқий ёрдамнинг турли шакллари ва турларини, уни тақдим этиш тартиби ва шартларини, суд қарорларини ўзаро тан олиш ва ижро этишни ўз ичига олади.

 

Сурат манбаи: unian.ua