Ўзбекистон МАК Тошкентдан Тбилисига янги рейсларни йўлга қўйди
Тошкент. 17 июль. ЎзТАГ – "Ўзбекистон ҳаво йўллари" Миллий авиакомпанияси (МАК) Тошкентдан Тбилисига (Грузия) янги қатновларни йўлга қўяди, дея хабар беради Ўзбек телеграф агентлиги (ЎзТАГ).
"Ўзбекистон ҳаво йўллари" МАК 16 июлдан Тошкент-Тбилиси-Тошкент йўналиши бўйича ҳафтасига 2 марта сешанба ва жума кунлари мунтазам равишда янги йўловчи қатновларини йўлга қўйди", - дейилади авиаташувчи матбуот хизмати хабарида.
Қайд этилганидек, парвозлар Airbus-320 самолётларида қуйидаги жадвалга мувофиқ амалга оширилади (маҳаллий вақт билан):
Сешанба: HY-745 Тошкент 15.50 – Тбилиси 18.30
Сешанба: HY-746 Тбилиси 19.30 – Тошкент 23.50
Жума: HY-745 Тошкент 08.00 – Тбилиси 10.40
Жума: HY-74 Тбилиси 11.40 – Тошкент 16.00
Сурат манбаи: uzairways.com