Ўзбекистон Марказий банки “Hamkorbank”ка ярим йил ичида валюта операциялари ўтказишни таъқиқлади

Тошкент. 16 феврал. ЎзТАГ – Ўзбекистон Марказий банки “Hamkorbank” ўзбек банкига 6 ой ичида валюта операциялари ўтказишни таъқиқлади, деб хабар беради Ўзбек телеграф агентлиги (ЎзТАГ).

“Ўзбекистон Республикаси Марказий банки «Ўзбекистон Республикасининг Марказий банки тўғрисида»ги Қонунига асосан валютани тартибга солишга доир қонунчилик талабларини бузганлиги сабабли АТБ “HAMKORBANK”нинг юридик шахслар билан чет эл валютасида операцияларни амалга ошириш амалиётларини 6 ой муддатга тўхтатилганлигини маълум қилади”, - деб таъкидланади назоратчи матбуот релизида.

Афсуски, Марказий банк аниқланган молия қоидабузарликларига доир фактларни келтирмаган.

“Hamkorbank” 1991 йилда Андижон шаҳрида ташкил этилган бўлиб, кейинги йилларда кенг тарқалган филиаллар тармоғини шакллантирди. Ҳозирда банк 209 та хизмат кўрсатиш шохобчаларига эга бўлиб, таркибида 32 та филиал, 158 та мини-банк, 19 та тўловлар қабул қилиш пунктлари мавжуд. Шунингдек, банк 8 та шўъба компаниясини ташкил этган.

2010 йилда Халқаро молия корпорацияси (IFC) банкнинг 15% акцияларини сотиб олиб, муассаса акционерига айланди.