Ўзбекистон Марказий банки Hi-tech bankка хорижий валютада операциялар ўтказиш учун лицензия берди
Дата: 18:09, 23-03-2017.
Тошкент. 23 март. ЎзТАГ – Ўзбекистон Марказий банки Hi-tech bankка хорижий валютада операциялар ўтказиш учун лицензия берди, деб хабар беради Ўзбек телеграф агентлиги (ЎзТАГ) МБ матбуот хизматига асосланган ҳолда.
“Ўзбекистон Республикаси Марказий банки Бошқарувининг қарорига асосан Hi-tech bank хусусий акциядорлик тижорат банкига чет эл валютасида операцияларни амалга ошириш учун лицензия берилди”, - дейилади пайшанба кунги хабарда.
Эслатиб ўтамизки, Hi-tech bankнинг хорижий валютада операциялар ўтказиш бўйича лицензияси 2012 йилда валюта қонунчилигини бузганлик учун чақириб олинган эди.
Hi-tech bank Тошкентда 2010 йил январда очилган бўлиб, унинг низом жамғармаси 5,25 млрд сўмга тенг бўлган.
