Ўзбекистон Марказий банки икки ҳафтадан буён АҚШ долларининг миллий валютага нисбатан курсини 47 сўмдан зиёдга пасайтирмоқда

Тошкент. 28 феврал. ЎзТАГ – Ўзбекистон Марказий банки икки ҳафтадан буён АҚШ долларининг миллий валютага нисбатан курсини 47 сўмдан зиёдга пасайтирмоқда. Курс 21 февралдан 47,52 сўмга (3356,87), 28 февралдан 47,47 сўмга (3404,35) пасайди, деб хабар беради сешанба куни Ўзбек телеграф агентлиги (ЎзТАГ).  

Бунга қадар назоратчи тўрт ҳафта курсни 14 сўмдан зиёдга: 24 январдан 14,48 сўмга (3265,54), 31 январдан 14,71 сўмга (3280,25), 7 февралдан 14,49 сўмга (3294,74), 14 февралдан 14,61 сўмга (3309,35) “туширган” эди.

Келинг, аввалига бошланғич ҳисоб китоб ўтказайлик. Агар курс шу йўсинда тушишда давом этса курслар унификация бўлиши учун (“қора бозор”да 7000) энг камида  72 ҳафта керак бўлади. Бундаям “қора бозор” курси ўзгаришсиз қолса. Бундай бўлиши эҳтимоли эса жуда ҳақиқатдан йироқ. Шу сабабли бу ҳисоб китобни “анча эҳтимолдан йироқ” десак бўлади.

Шу билан бирга, DollarUZ.com сайти маълумотига кўра, 21 февралда $1 6930 сўмга олинган бўлса, 28 февралда 7000 сўмга алмаштирилган. Яна бир бор таъкидлаш керакки, расмий курснинг ўзгариши “қора бозор” курсига ҳеч қандай таъсир қилмайди.

Ўтган ҳафта биз икки версияни тахмин қилдик: назоратчи “қора бозор”га таъсир қилиш воситаларига эга эмас ёки “қора бозор” МБ ҳаракатларига кечикиш билан муносабат билдиради. Нима бўлганда ҳам, биринчи версия ҳақиқатга яқинроқ туюлади. Бунга куюниш керакми ёки хафа бўлиш лозимми?

Айтиш зарурки, бу ерда қувонадиган ҳеч нима йўқ. “Қора бозор”га таъсир қилувчи воситаларга эга бўлмаган МБ истаса истамаса ўзини бутунлай назоратчилик функцияларига эга эмас деб ҳисобласак бўлади. “Қора бозор”га куч билан таъсир қилиш самара бермайди. Буни ҳамма жуда яхши билади.

Йиғлаш учун ҳам бирон бир сабаб йўқ. Аҳоли ва бизнес аллақачон бир нарсани яхши тушуниб олган, яъни ҳеч ким улар учун ҳаракат қилмайди. Шу сабабли улар бундан кейин ҳам мустақил ҳаракатда бўлиб, таваккал ишлаши, “қора бозор”да нима бўлишини олдиндан билишга ҳаракат қилиши зарур.

Топса – яхши, топмаса, бунинг учун бировдан хафа бўлиш керак эмас. Қисқаси мана шунақа гаплар...

Эслатиб ўтамизки, 2016 йил октябри бошидан ноябри охиригача банк назоатчиси миллий валютанинг долларга нисбатан курсини ҳафтасига 18 сўм ва ундан кўпга, бутун декабрда 13 сўм ва ундан зиёдга пасайтириб бораётган эди.

Ўзбекистон Марказий банки миллий валюта АҚШ долларига нисбатан курсини ҳар сешанба куни белгилайди.