Ўзбекистон Марказий банкида Осиё тараққиёт банки миссияси қабул қилинди
Дата: 22:16, 07-01-2016.
Тошкент. 7 январ. ЎзТАГ - Ўзбекистон Марказий банкида Осиё тараққиёт банки (ОТБ) миссияси қабул қилинди, деб хабар беради Ўзбек телеграф агентлиги (ЎзТАГ).
“Учрашувда ОТБнинг “Кичик бизнес ва тадбиркорликни ривожлантириш иккинчи лойиҳаси” бўйича концепция ва техник кўмаклашув масалалари муҳокама этилди. Таклиф этилаётган ОТБ лойиҳаси вилоятларда кичик бизнесни ривожлантиришга йўналтирилган бўлиб, унда асосий эътибор аёллар тадбиркорлигига қаратилган”, - деб таъкидланади МБ хабарида.
Эслатиб ўтамизки, Ўзбекистон Осиё тараққиёт банкига 1995 йил августдан бери аъзо. Банк ваколатхонаси мамлакатда 1997 йилда очилган. Ўтган даврда ОТР Ўзбекистонга умумий қиймати $4,1 млрдлик 54 кредитлар берган.
