Ўзбекистон МБ олтин ва кумуш тангалар нархини янгилади

Тошкент. 4 январ. ЎзТАГ – Ўзбекистон Марказий банки (МБ) олтин ва кумуш тангалар нархини янгилади, деб хабар беради Ўзбек телеграф агентлиги (ЎзТАГ).

Банк Telegram-каналидаги маълумотга кўра, битта олтин танганинг баҳоси 13,3 млн сўмни ташкил этиб, ҳафтасига 200 минг сўмга қимматлашди. Кумуш танганинг нархи эса 257 минг сўмни ташкил этди ва бир ҳафтада 13 минг сўмга ошди.

Эслатиб ўтамиз, Ўзбекистон МБ олтин ва кумушдан тайёрланган эсдалик тангаларни муомалага чиқариш бўйича тажриба лойиҳасини йўлга қўйган. Сотувга 1994-2009 йилларда зарб этилган, 2 хил олтин ҳамда 14 хил кумуш эсдалик тангалари қўйилган бўлиб, уларнинг асиллик даражаси 999,9 ҳамда оғирлиги 31,1 граммга тенг. Сотувга жами 1, 9 минг олтин ҳамда 6,9 минг кумуш эсдалик тангалари қўйилган.

Сурат манбаи: https://www.spot.uz