Ўзбекистон МДҲ аъзо давлатлари Парламентлараро Ассамблеясига қўшилди
Дата: 17:11, 05-03-2019.
Тошкент. 5 март. ЎзТАГ – Ўзбекистон Мустақил Давлатлар Ҳамдўстлиги (МДҲ) иштирокчи давлатлари Парламентлараро Ассамблеясига қўшилди, дея хабар беради Ўзбек телеграф агентлиги (ЎзТАГ).
“МДҲга аъзо давлатларнинг Парламентлараро Ассамблеяси Конвенциясини тасдиқлаш тўғрисида (Минск, 26.05.1995 йил)”, - тегишли қонун матнида айтилган.
Ҳужжатга мувофиқ, Ўзбекистон МДҲ аъзо давлатлари Парламентлараро Ассамблеяси фаолияти ва уларнинг вакилларини молиялаштиришда зарур бўладиган маблағларни ажратади.
Қонун Олий Мажлис Қонунчилик палатаси томонидан 22 февралда қабул қилинган ва 28 февралда Сенат томонидан тасдиқланган.
Сурат манбаи: pabsec.org
