Ўзбекистон Меҳнат вазирлиги KOICA ва Hyundai Engineering билан ўзаро тушунишга доир меморандум имзолади
Тошкент. 6 октябр. ЎзТАГ – Тошкентда Ўзбекистон Меҳнат вазирлиги Халқаро ҳамкорлик агентлиги (KOICA) ва Жанубий Кореянинг Hyundai Engineering ширкати ваколатхонаси ўртасида ўзаро тушунишга доир меморандум имзолаш маросими бўлиб ўтди, деб хабар беради Ўзбек телеграф агентлиги (ЎзТАГ).
“Ушбу меморандум томонларнинг Ўзбекистонда қатор лойиҳаларни амалга оширишда самарали ҳамкорлик қилишига кўмаклашади. Ушбу ҳамкорлик йўналишлари орасида KOICAнинг Ўзбекистондаги касбий тайёргарлик марказларини тугатган кишиларни ишга жойлаштириш, ижтимоий аҳамиятли лойиҳаларни молиялаштириш, ўқув дастурлари ишлаб чиқиш кабилар бор”, – деб таъкидлашди KOICAда.
Эндиликда KOICAнинг Ўзбекистондаги касбий тайёргарлик марказларини тугатган кишиларнинг бир қисми Hyundai Engineeringнинг иш объектларида ишлаб чиқариш амалиётидан ўтиши, энг яхши битирувчилар эса ишга жойлашиши мумкин бўлади.
