Ўзбекистон миллий авиакомпанияси 24 йилда илк марта Душанбега чартер рейсини амалга оширди
Тошкент. 1 декабр. ЎзТАГ – Ўзбекистон миллий авиакомпанияси 24 йилда илк марта Душанбега чартер рейсини амалга оширди, деб хабар беради Ўзбек телеграф агентлиги (ЎзТАГ).
“Ўзбекистон ва Тожикистон делегациялари авиация соҳасида ҳамкорликнинг ташкилий-ҳуқуқий ва иқтисодий йўналишлари бўйича музокаралар ўтказдилар”, - деб таъкидлашди Ўзбекистон ТИВда.
“Душанбе” халқаро аэропорти матбуот хизмати маълумотларига кўра, томонлар авиаалоқа соҳасида ҳамкорлик баённомаси ва 2017 йилнинг бошидан бошлаб Душанбе-Тошкент-Душанбе йўналишида авиаалоқани қайта тиклаш бўйича келишув имзолаганлар.
Эслатиб ўтамизки, икки мамлакат ўртасидаги авиақатнов 1992 йилда тўхтатилган эди. 2000 йилда Ўзбекистон Тожикистон билан виза режимини жорий этди.