Ўзбекистон Миллий банки Туркиянинг “Эксимбанк” $250 млнлик кредит шартномаси имзоладилар

Тошкент. 1 май. ЎзТАГ – Ўзбекистон Республикаси Ташқи иқтисодий фаолият Миллий банки (ТИФМБ) ва “Türk Eximbank” турк экспорт-кредит банки ўртасида $250 млн миқдоридаги кредит битими имзоланди, деб хабар беради Ўзбек телеграф агентлиги (ЎзТАГ) ЎМБ матбуот хизматига таянган ҳолда.

Келишув 2018 йил 30 апрель куни Туркия Республикаси президенти Режеп Таййип Эрдўғоннинг Ўзбекистонга давлат ташрифи доирасида имзоланган. Битим билан турк етказиб берувчилари ва пудратчилар иштирокидаги инвестиция лойиҳаларини молиялаштириш учун кредитларни тақдим этиш назарда тутилмоқда.

ТИФМБ хабарида таъкидланишича, ҳар бир лойиҳа бўйича алоҳида қарз битимларини тузмасдан туриб, ўзбек томонининг буюртмалари асосида молиялаштирилади.

Қайд этилишича, келишув имзоланган пайтдан бошлаб кучга кирган.

Сурат манбаи: https://www.uzdaily.com/articles-id-41453.htm