Ўзбекистон Миллий кутубхонаси мамлакат мустақиллигининг 25 йиллигига фотоконкурс эълон қилди
Дата: 18:09, 22-08-2016.
Тошкент. 22 август. ЎзТАГ – А.Навоий номидаги Ўзбекистон Миллий кутубхонаси мамлакат мустақиллигининг 25 йиллигига бағишлаб “Мустақил мамлакат манзаралари” номли фотоконкурс эълон қилди, деб хабар беради Ўзбек телеграф агентлиги (ЎзТАГ).
Конкурсга ҳам профессионал фотосуратлар, ҳам ҳаваскор суратчиларнинг ишлари қабул қилинади.
Конкурс ишлари кутубхонанинг электрон почта манзилига 2016 йилнинг 5 сентябригача қабул қилинади. Шунингдек, иштирокчилар ўзлари ҳақида қисқача маълумот ҳам жўнатишлари зарур.
Танлов якунлари 9 сентябр куни эълон қилинади.
