Ўзбекистон Миллий телерадиокомпаниясининг янги раҳбари тайинланди
Дата: 11:20, 04-08-2017.
Тошкент. 4 август. ЎзТАГ – Бобур Алихонов Ўзбекистон Миллий телерадикомпания раиси вазифасини бажарувчи этиб тайинланди, деб хабар беради Ўзбек телеграф агентлиги (ЎзТАГ).
Бунга қадар Алихонов Миллий телерадиокомпания раисининг биринчи ўринбосари бўлиб ишлаб келаётган эди. Телерадиокомпаниянинг аввалги раҳбари Хуршид Мирзоҳидов 2 августда лавозимидан бўшатилди.
Эслатиб ўтамизки, Бобур Алихонов 1962 йилда Тошкентда туғилган. 1983 йилда Тошкент давлат университетини битирган. Шундан кейин телевидениеда меҳнат фаолиятини бошлаган. Узоқ йиллар давомида “Ўзбекистон” телеканалининг “Ахборот” ахборий хизматининг директори бўлиб ишлаган.
