Ўзбекистон миллий терма жамоаси хужумчиси қозоғистоннинг “Ордабаси” клуби билан шартнома имзолади

Тошкент. 27 феврал. ЎзТАГ – Ўзбекистон миллий терма жамоаси хужумчиси Александр Гейнрих қозоғистоннинг “Ордабаси” клуби билан шартнома имзолади, дея хабар беради Ўзбек телеграф агентлиги (ЎзТАГ) Чимкент жамоаси расмий сайтига асосланган ҳолда.

“Мен Тошкентнинг “Локомотив” клуби билан йиғинда эдим. Лекин бу ерда раҳбарият билан зиддият юзага келди ва икки томоннинг розилиги билан биз хайрлашишга қарор қилдик. Тошкентда мен ўзим шуғулланиб турдим. Чимкентдан таклиф келганда мен уни мамнуният билан қабул қилдим. Буни ижобий ҳол деб баҳолайман. Чунки “Ордабаси” Европа Лигасида ўйнайди. Бу мен учун катта рағбат. Еврокубокларда яхши ўйин кўрсатишга ҳаркат қиламиз”, - деди А.Гейнрих.

Шунингдек, у жамоанинг (“Ордабаси” – ЎзТАГ) кўпчилик ўйинчилари билан танишлиги, баъзилари билан дўстлиги, хусусан, Андрей Сидельников билан оилавий алоқалари борлиги ва бу қозоқ жамоаси таклифини қабул қилишига яна бир туртки бўлганини қўшимча қилди. “Энг аввало мен жамоа барча турнирларда яхши ўйин кўрсатишини истайман ва бунга бор кучимни сарфлайман”, - деди.

Маълумот ўрнида, Александр Гейнрих Ўзбекистон миллий терма жамоаси сафида 83 ўйин ўтказган. Бу ўйинларда хужумчи 28 гол урган.