Ўзбекистон миллий термани бошқаришга таклиф қилиниши мумкин бўлган тренерлар рўйхатини маълум қилди

Тошкент. 24 ноябр. ЎзТАГ – Ўзбекистон Футбол федерацияси миллий терма жамоанинг бўш турган бош тренери вазифасига таклиф қилиниши мумкин бўлган хорижий тренерлар рўйхатини маълум қилди, деб хабар беради Ўзбек телеграф агентлиги (ЎзТАГ).

Номзодлар орасида италиянининг “Интер”, “Наполи”, “Сампдория”, англиянинг “Уотфорд” жамоалари билан ишлаган Вальтер Маццари, “Гамбург” ва “Боруссия Дортмунд”, голландиянинг “Фейеноорд” клублари, Голландия термасига етакчилик қилган Берт ван Марвейк каби таниқли мураббийлар бор.

“Яна бир номзод москванинг “Локомотив” ва туркиянинг “Бешиктош” клублари билан ишлаган Славен Биличдир. 46 ёшли мутахассиснинг сўнгги иш жойи англиянинг  “Вестхэм” жамоаси”, – деб таъкидлашди федерацияда.

Бошқа номзодлар орасида англиянинг биринчи лигасидаги қатор клублар, россиянинг “Динамо” ва “Кубань”, румин ва хитой клублари билан ишлаган  руминиялик Дан Петреску, Сербия термаси, бельгиянинг “Стандарт”, москванинг “Локомотив”, “Краснодар” ва украинанинг “Металлург” клубларига етакчилик қилган сербиялик Славолюб Муслинлар бор.

Рўйхатда яна кўплаб кам таниқли шахслар мавжуд. Булар Миодраг Радулович, Анджелио Алессио, Бернд Шторк ва Бранко Иванковичлардир.