Ўзбекистон МОҚ раиси ООК вице-президенти этиб сайланди

Тошкент 4 март. ЎзТАГ – Ўзбекистон Миллий Олимпия Қўмитаси раҳбари Умид Аҳматжанов Осиёдаги Олимпия Кенгашининг (ОСА – ООК) вице-президенти этиб сайланди, дея хабар беради Ўзбек телеграф агентлиги (ЎзТАГ).

МОҚ маълумотларига кўра, у бу лавозимни Бангкокда (Тайланд) ООКнинг 38-Бош Ассамблеясида эгаллаган.

“Менга бу лавозимни ишониб топширганидан жуда хурсандман. Албатта, бу мен учун катта масъулият ва айни пайтда шараф ҳамдир. Мен нафақат Ўзбекистон, балки бутун Марказий Осиё минтақаси қизиқишлари ва манфаатларини ҳимоя қиламан. Менинг асосий вазифам ХОҚ Ижроия қўмитаси сафига қўшилишдир. Мен Халқаро Олимпия Қўмитасига аъзоси бўлиш учун бор куч-ғайратимни ишга соламан”, - деб изоҳ беради сайлов якунида ООК раҳбари.

Эслатиб ўтамиз, У. Аҳматжанов Марказий Осиё футбол ассоциациясининг (МОФА) президенти.

Осиё Олимпия Кенгаши (Olympic Council of Asia, ООК) – Халқаро Олимпия Қўмитаси томонидан эътироф этилган Миллий олимпия қўмиталарининг бешта континентал ассоциацияларидан биридир. Ҳақиқатан ҳам, ОCА, ҳозирги кунда 45 мамлакатни бирлаштирган Осиё мамлакатлари Олимпия ҳаракатининг етакчи органидир.

Сурат манбаи: olympic.uz