Ўзбекистон Москвада янги савдо уйи очади
Тошкент. 15 август. ЎзТАГ – “Узтрейд” компанияси ва россиянинг “Ла Маре” ритейлери Москвада “УзТрейд ЛМ” янги савдо уйини очиш ҳақида меморандум имзоладилар, деб хабар беради Ўзбек телеграф агентлиги (ЎзТАГ).
Хужжат икки ширкатнинг яқинда Тошкентда бўлиб ўтган учрашувида имзоланган. “Узтрейд” бугунда Россия ресторан ва меҳмонхоналарига ўзбек мева ва сабзавотларини етказиб бериш билан шуғулланмоқда.
“Ўзбек ширкати маҳаллий фермер ва деҳқонлар етиштирган маҳсулотларни РФга экспорт қилади. Москвада янги савдо уйининг очилиши сентябр охири ёки октябр бошига мўлжалланган. Бошланғич баҳоларга кўра, йил охиригача 10 минг тонна атрофида янги, қуритилган ва қайта ишланган мева ва сабзавотлари етказиб берилади”, - деб таъкидлашди республика ташқи савдо вазирлигида.
Эслатиб ўтамизки, “Узтрейд” ташқи савдо компанияси Ўзбекистон ташқи савдо вазирлиги таркибига киради. Ширкат кичик бизнеса ва хусусий тадбиркорлик субъектлари, фермер ва деҳқон хўжаликларининг маҳсулотларини экспортга илгари суриш, янги бозорларни ўзлаштириш мақсадларида ташкил этилган.
