Ўзбекистон Нанкинда иккинчи “олтин”ни қўлга киритди
Дата: 11:35, 22-08-2014.
Тошкент. 22 август. ЎзТАГ – Дзюдо бўйича Ўзбекистон терма жамоаси аъзоси Суҳроб Турсунов Нанкиндаги II ўсмирлар Олимпиа ўйинлари ғолиби бўлди, дея хабар беради Ўзбек телеграф агентлиги (ЎзТАГ).
“Суҳроб Турсунов “ROUGE” жамоаси таркибида (жамоа Ўзбекистон, Португалия, Пуэрто-Рико, Аргентина, Голландия, Россия ва Франциялик курашчилардан ташкил топган) финалда “GEESINK” жамоасини енгиб, мусобақаларнинг олтин медалини қўлга киритди. Эсингизда бўлса, бундан илгари ҳам Турсунов Олимпиаданинг бронза медалини олган эди”, – деб қайд этишди Миллий Олимпиа қўмитаси матбуот хизматида.
