Ўзбекистон Очиқ маълумотлар порталида 15 йўналиш бўйича 708 маълумотлар тўпламлари мавжуд
Тошкент. 15 феврал. ЎзТАГ – Ўзбекистон Очиқ маълумотлар порталида 63 муассаса ва ташкилотнинг 15 йўналиши бўйича 708 маълумотлар тўпламлари мавжуд, деб хабар Ўзбек телеграф агентлиги (ЎзТАГ).
Ахборот технологияларини ривожлантириш вазирлигидан маълум қилишларича, энг кўп ўқилаётган бўлимлар ҳозирча ССВ томонидан тақдим этилган Хорижда ишлаб чиқарилган дори воситалари реестри, ОТМ ҳақида маълумотлар, ички ишлар вазирлигининг ишонч телефон рақамлари бўлиб турибди.
Кейинги оммавий бўлимлар орасида давлат органлари сайтлари рўйхати, Ўзбекистон маъмурий-ҳудудий ҳудудлари объектлари белгилари тизими, давлат солиқ органлари ҳудудий бўлинмалари рўйхати бормоқда.
Эслатиб ўтамизки, портал 2015 йил мартда “Давлат ҳокимияти ва бошқаруви органларининг очиқлиги тўғрисида”ги қонун асосида ишлаб чиқилган.
