Ўзбекистон олча етиштириш бўйича дунёда 5-ўринни эгаллайди

Тошкент. 20 июл. ЎзТАГ – Ўзбекистон олча етиштириш бўйича дунёда 5-ўринни эгаллайди, деб хабар беради Ўзбек телеграф агентлиги (ЎзТАГ) Worldatlas таҳлилий портали малумотларига асосланган ҳолда.

Портал маълумотларига кўра, Туркия олча ишлаб чиқариш ҳажмлари бўйича дунёда 1-ўринни (494 325 тонна), АҚШ 2- (301 205 тонна), Эрон 3-ўринни (200 000 тонна), Италия 4- (131 175 тонна), Ўзбекистон 5- (100 000 тонна), Испания 6- (97 200 тонна), Чили 7- (90 703 тонна), Украина 8- (81 200 тонна), Румыния 9- (80 477 тонна), Россия 10-ўринни (78 000 тонн) эгаллайди.

Сайтдаги маълумотларга мувофиқ, Сурия қоидаги кўрсаткич бўйича 11- (62 372 тонна), Греция 12- (58 200 тонна), Польша 13- (47 552 тонна), Австрия 14- (41 430 тонна), Франция 15- (39 272 тонна), Болгария 16- (37 724 тонна), Хитой 17- (35 700 тонна), Сербия  18- (28 146 тонна), Германия 19-поғонада (24 462 тонна). Йигирматаликкка Ливан якун ясаган (20 393 тонна).

Рейтингда жами 25 мамлакат бўлиб, унга Япония (18 100 тонна), Австралия (17 720 тонна), Албания (17 090 тонна), Морокаш (13 909 тонна) ва Ҳиндистон (13 500 тонн) ҳам кирган.

Такидланишича, агар Туркия ва АҚШ асосан ширин олча навларини етказиб берса, Ғарбий ва Жанубий Европада кўпинча нордон таъмли олчалар етиштирилади.