ЎзТАГ
Ўзбек телеграф агентлиги

Ўзбекистон оператор ва провайдерлари IPv6 манзилларига ўтиш масаласини муҳокама қилдилар

Дата: 17:44, 22-10-2015.

Тошкент. 22 октябр. ЎзТАГ – Тошкентда Ўзбекистон оператор ва провайдерларининг IPv6 манзилларига ўтиш масаласини муҳокама қилишга бағишланган учрашув бўлиб ўтди, деб хабар беради Ўзбек телеграф агентлиги (ЎзТАГ).

Ахборот технологияларини ривожлантириш вазирлигидан маълум қилишларича, учрашувда 24 компаниядан 60 ортиқ мутахассислар қатнашган. Ҳозирда дунёда IPv4 манзиллари ресурси деярли тугаб бормоқда. Маълумотларни узатиш тармоқлари, интернетни янада ривожлантириш учун IPv6 манзилларига ўтиш зарур.

IPv6 манзилларига ўтиш муаммоси анча жиддий бўлиб, иқтисодий, техник ва эксплуатацион жиҳатларга эга.

Шундай бўлсада, IPv6 манзилларига ўтишдан бошқа илож йўқ. Бунинг узоқ муддатли лойиҳа эканлигини ҳисобга олган ҳолда, IPv4дан IPv6 манзилларига ўтиш стратегиясини олдиндан режалаштириш зарур.

Ахборот технологияларини ривожлантириш вазирлиги топшириғи билан “UNICON.UZ” ДУК томонидан Ўзбекистон телекоммуникация оператор ва провайдерлари, “Ўзбектелеком” АК учун IPv6 протоколига ўтиш дастурлари режаси ишлаб чиқилди.

Муҳокамаларда IPv6га ўтишнинг иқтисодий ва техник жиҳатлари муҳокама қилинди. 

Янгилик билан ўртоқлашиш:

Мавзу бўйича ҳаволалар

Ўзбекистонликлар сув учун 411 млрд сўмдан ортиқ қарз бўлди ЮНФПАнинг Ўзбекистондаги янги раҳбари Ю Ю бўлди Франция муносиб равишда икки карра жаҳон чемпиони бўлди