Ўзбекистон Қорақалпоғистонда қизилмияни қайта ишлаш билан шуғулланишни режалаштирмоқда

Тошкент. 13 январ. ЎзТАГ – Ўзбекистон 2017-2021 йилларда Қорақалпоғистонда қизилмия ишлаб чиқариш плантациялари яратиш бўйича дастурни қабул қилишни режалаштирмоқда, деб хабар беради Ўзбек телеграф агентлиги (ЎзТАГ).

Дастур Ўзбекистон Республикаси Президентининг “Ўзбекистон Республикасида қизилмия ишлаб чиқаришни кўпайтириш ва унинг саноат қайта ишланишини ошириш чора-тадбирлари тўғрисида”ги фармонига мувофиқ қабул қилинган. Қарор лойиҳаси Ягона интерактив давлат хизматлари порталида муҳокама учун эълон қилинган.

Янги дастур доирасида қизилмия маҳсулотини тайёрлаш учун квота ҳажмини аниқлаш мақсадида қизилмия овлаш табиий майдонлари харитасини яратиш кўзда тутилмоқда.

Шунингдек, қизилмия етиштириш учун саноат плантацияларини яратиш мумкин бўлган бўш ер майдонлари белгилаб олинади.

Ўзбекистон раҳбари янги саноат плантациялари яратиш ҳамда табиий ҳудудларда, шунингдек, саноат плантацияларида қизилмия ишлаб чиқаришнинг кутилаётган ҳажми бўйича таклифларни қайта ишлаб чиқиш ҳақида топшириқ берди.

Бундан ташқари, қизилмия саноат плантацияларини яратувчи фермер хўжаликлари 2022 йилнинг 1 январигача плантациялар яратиш учун кўчат материалини (уруғлар, қаламчаларни) тайёрлаш бўйича йиғимни тўлаш, бир қатор солиқлар ва мажбурий ажратмалардан озод этилади. 

Шунингдек, улар ускуна, хом-ашё, материаллар ва бутлаш маҳсулотлари (божхона расмийлаштирувчи учун йиғимлардан ташқари),республикада ишлаб чиқарилмайдиган ва Вазирлар Маҳкамаси томонидан тасдиқланган рўйхат бўйича лойиҳаларни амалга ошириш доирасида олиб кирилувчи қурилиш маҳсулотлари учун божхона тўловларидан озод қилинадилар.