Ўзбекистон Қозоғистонда ишлаб чиқарилаётган ва бу ердан олиб келинаётган автомобиллар учун акциз солиғи ставкасини кескин пасайтирди
Тошкент. 2 октябр. ЎзТАГ – Ўзбекистон Қозоғистонда ишлаб чиқарилаётган ва бу ердан олиб келинаётган автомобиллар учун акциз солиғи ставкасини (тиббий мақсадларга мўлжалланганларидан ташқари) кескин пасайтирди. Агар олдинг унинг миқдори авто двигатели 1 куб. смга $2,4 ташкил этган бўлса, 1 октябрдан авто божхона қийматининг 2% тенг қилиб белгиланди, деб хабар беради Ўзбек телеграф агентлиги (ЎзТАГ).
Бу Ўзбекистон Президентининг 29 сентябрдаги “Ўзбекистон Республикасининг ташқи иқтисодий фаолиятини янада такомиллаштириш чоралари тўғрисида”ги қарор билан кўзда тутилган. Хужжат Lex.Uz сайтига жойлаштирилган.
Юқорида келтирилган рамзий акциз соғиғи олдин фақат Россия ва Украинада ишлаб чиқарилган ва ушбу мамлакатлардан олиб келинаётган транспорт воситаларига тааллуқли эди.
Бу вазият қозоғистонлик тадбиркорларни қониқтирмас эди. Хусусан, “КазАвтоПром” Қозоғистон автомобиль саноати корхоналари кенгаши Қозоғистон Миллий иқтисодиёт вазирига мактубида бундан норозилигини билдирган эди.
Эслатиб ўтамизки, Қозоғистон корхоналарининг конвейерларида KIA, Chevrolet, Skoda ва Lada русумли 60 ортиқ автомобиль моделлари ишлаб чиқарилади.
