Ўзбекистон Қозоғистондан қиймати $17,3 млнлик 106,6 минг тонна картошкани импорт қилди

Тошкент. 23 октябр. ЎзТАГ – Ўзбекистон Қозоғистондан қиймати $17,3 млнлик 106,6 минг тонна картошкани импорт қилди, деб хабар беради Ўзбек телеграф агентлиги (ЎзТАГ) Қозоғистон қишлоқ хўжалиги вазирлиги матбуот хизматига асосланган ҳолда.

“2017 йил январ-август ойларида республикадан картошка экспортининг умумий ҳажми 107,4 минг тоннани ($17,4 млнликни) ташкил қилди, бундан 76 минг тоннаси жорий йилнинг январ-апрел ойларида ўтган йилги ҳосил ҳисобидан сотилди. Айни пайтда асосий экспорт қилувчи мамлакат Ўзбекистон бўлиб қолмоқда, бу ерга $17,3 млнлик 106,6 минг тонна картошка жўнатилди”, - дейилади хабарда.

Муассасанинг оператив маълумотларига кўра, 2017 йил 20 октябр ҳолатига кўра, экилган майдонларнинг 99,8%и йиғилиб, 3,5 млн тонна картошка олинган, бу 2016 йилги ялпи ҳосил даражасида.

Шу билан бирга, 2017 йилнинг октябридан бошлаб Ўзбекистондан талаб ўз картошка экинларини йиғиб олишнинг бошланиши туфайли кескин пасайган.