Ўзбекистон пахта етиштиришда BCI стандартларини жорий этиш ниятида

Тошкент. 25 ноябр. ЎзТАГ – Ўзбекистон ва Халқаро молия корпорацияси (IFC) ижтимоий масъул ва экологик барқарор пахта ишлаб чиқариш бўйича лойиҳани амалга оширади, деб хабар беради Ўзбек телеграф агентлиги (ЎзТАГ).

“Лойиҳа Ўзбекистонда Better Cotton Initiative (BCI) талабига жавоб берадиган, пахтанинг барқарор бизнес-моделини яратишни кўзда тутади. H&M, Levi's, Adidas, Nike ва трикотаж маҳсулотларининг бошқа машҳур брендлари BCI дастури асосида етиштирилган пахта хом-ашёсини сотиб олади. BCI дастури пахта етиштириш усулларини яхшилаш, шунингдек, пахтачиликнинг экология ва инсонлар саломатлигига таъсирини камайтиришга чақиришга қаратилган”, - деб таъкидлашди Касаба уюшмалари федерациясида.

Халқаро молия корпорация вакилларининг фикрига кўра, BCI услубидан фойдаланиш ўзбек фермерларига таннархни пасайтирган ҳолда пахта етиштириш ҳажмини ошириш имконини, текстиль ишлаб чиқарувчиларига эса жаҳон бозорида ўз мавқеларини мустаҳкамлаш имконини беради.

Ўзбек томони лойиҳа доирасида пахта етиштиришнинг технологик картасини ишлаб чиқиш, зарур мутахассислар тайёрлаш тизимини ташкил этиш, лойиҳани амалга ошириш жараёнини автоматлаштириш, унда IТдан фойдаланиш, қайта алоқа механизмини ташкил этиш таклифларини киритди. Қишлоқ ва сув хўжалиги вазирлиги ҳамда Ўзбекистон фермерлар кенгашини эса ҳамкор сифатида жалб этилмоқда.