Ўзбекистон Парламентлараро иттифоққа қўшилди
Тошкент. 17 октябр. ЎзТАГ – Ўзбекистон, Туркманистон ва Вануату Парламентлараро иттифоқга (ПАИ) қўшилди, деб хабар беради Ўзбек телеграф агентлиги (ЎзТАГ) Росконгресс Фонди маълумотига асосланган ҳолда.
“Парламентлараро иттифоқ раиси Сабер Чоудҳури ПАИ бошқарув кенгашининг йиғилишини ўтказди. Учрашув бошида Федерацияси Кенгаши раиси Валентина Матвиенкони ПАИнинг Санкт-Петербургдаги 137- Ассамблеяси раиси этиб сайлаш тўғрисида қарор қабул қилинди”, - дейилади баёнотда.
Сабер Чоудҳури Туркманистон, Ўзбекистон ва Вануатунинг Парламентлараро иттифоққа қўшилгани ҳақида маълум қилди. Шу билан бирга, Туркманистон ва Вануату ПАИнинг янги аъзолари бўлиб, Ўзбекистон ташкилотга аъзолигини қайта тиклади.
Шундай қилиб, Парламентлараро иттифоқ аъзоларининг сони 176 нафарга етди. Сабир Чоудҳурининг сўзларига кўра, ПАИ тобора БМТнинг парламентдаги ўлчовига айланмоқда. “Сўнгги уч йил мобайнида ПАИга 10 нафар янги аъзо қўшилди. Бу ташкилотнинг обрўси ортиб бораётганидан, дунёда парламентлараро дипломатия ролининг кучайиб бораётганидан далолат беради”, - деди у.
Сабер Чоудҳури ҳозирда ПАИ кузатувчилари мақомида бўлган Маршалл ороллари ва Санкт-Луcианинг яқин келажакда Парламентлараро иттифоққа кириш режалари ҳақида маълум қилди.
