Ўзбекистон паррандачилик лойиҳаларига кредитлар бўйича фоизларни компенсация тартиблари белгиланди

Тошкент. 15 ноябр. ЎзТАГ – Ўзбекистон паррандачилик лойиҳаларига кредитлар бўйича фоизларни компенсация тартиблари белгиланди, деб хабар беради Ўзбек телеграф агентлиги (ЎзТАГ).

“Паррандачилик лойиҳалари ҳажми ва уни амалга ошириш учун зарур бўлган валюта туридан қатъи назар, тижорат банклари томонидан 2019-2020 йилларда ажратилаётган кредитлар фоизи учун компенсация беришнинг қуйидаги тартиби ўрнатилсин: айланма маблағларни тўлдиришга (инкубацион тухумлар, 1 кунлик жўжа, озуқа маҳсулотлари, дори-дармон ҳамда қўшимча компонентлар ва бошқалар) тижорат банки томонидан ўрнатилган кредит ставкасининг 25% миқдорида, аммо кредит ставкасининг 5%дан ортиқ бўлмаган миқдорда; наслли она товуқ ва барча турдаги технологик асбоб-ускуналар сотиб олиш, паррандачилик кластерларини ва инкубация цехларини ташкил қилиш, парранда маҳсулотларини қайта ишлаш ва сақлаш, паррандачиликка ихтисослашган бино-иншоотларни қуриш ва қайта таъмирлаш, махсус техника ва бошқа асосий воситаларни харид қилиш ҳамда барпо этиш учун тижорат банки томонидан ўрнатилган кредит ставкасининг 50%и миқдорида, аммо кредит ставкасининг 10%дан ортиқ бўлмаган миқдорда”, - дейилади Ўзбекистон президентининг “Паррандачиликни янада ривожлантириш бўйича қўшимча чора-тадбирлар тўғрисида”ги қарори матнида.

Сурат манбаи: upl.uz