ЎзТАГ
Ўзбек телеграф агентлиги

Ўзбекистон павильони Остонадаги EXPO-2017 кўргазмасининг энг кўп ташриф буюрилган топ-10лигига кирди

Дата: 15:25, 29-06-2017.

Тошкент. 29 июн. ЎзТАГ – Ўзбекистон павильони Остонада бўлиб ўтаётган EXPO-2017 халқаро ихтисослашган кўргазмасининг энг кўп ташриф буюрилган топ-10 павильонлари рўйхатига кирди, деб хабар беради Ўзбек телеграф агентлиги (ЎзТАГ) халқаро кўргазма сайтига асосланган ҳолда.

 Маълумотларга кўра, биринчи ўринни Россия павильони эгаллаб турибди. Ундан кейин Ҳиндистон (3-), Озарбайжон (4-) ва Африка (5-) павильонлари бормоқда.

Шунингдек, топ-10таликка Миср (6-), Хитой (7-), Туркия (8-) павильонлари ҳам кирган.

Ўнталик охирида Саудия Арабистони ва Малайзия павильонлари боришмоқда.

Маълум қилинишича, 10-27 июн орасида EXPO-2017 халқаро кўргазмасига 425377 киши ташриф буюрган. Кўргазма барча объектларига жами 2774527 марта ташриф буюрилган. Тадбирни кунига ўртача 20 минг киши келиб кўрмоқда.

Ўзбекистон павильони 1,4 минг квадрат метрни ташкил этган. Биринчи қаватда кўргазманинг асосий мавзуси “Келажак энергия”си очиб берилган, иккинчи қаватда республиканинг енгил саноат, самолётсозлик соҳасидаги ютуқлари тақдим қилинган. Меҳмонлар шунингдек ўзбек миллий таомларини ҳам татиб кўришлари мумкин. 

Эслатиб ўтамизки, EXPO-2017 кўргазмаси 10 июндан 10 сентябргача давом этади.

Янгилик билан ўртоқлашиш:

Мавзу бўйича ҳаволалар

Ўзбекистонликлар сув учун 411 млрд сўмдан ортиқ қарз бўлди ЮНФПАнинг Ўзбекистондаги янги раҳбари Ю Ю бўлди Франция муносиб равишда икки карра жаҳон чемпиони бўлди