Ўзбекистон пляж футболи бўйича энг яхши термалар рейтингида 56-ўринни олди
Дата: 17:16, 06-06-2016.
Тошкент. 6 июн. ЎзТАГ – Пляж футболи бўйича халқаро турнирларни ўтказиш билан шуғулланувчи Beach Soccer Worlwide ташкилоти жаҳон термаларининг янгиланган рейтингини эълон қилди, деб хабар беради Ўзбек телеграф агентлиги (ЎзТАГ).
“Ўзбекистон термаси 131 очко билан 56-ўринни эгаллади. Айни пайтда жамоа Осиёда ўнинчи бўлди”, - дейилади рейтингда.
Рейтинг етакчилиги Россияда (3450 очко) бўлиб, у 2011 ва 2013 йилги жаҳон чемпионатларида ғолиб бўлган. Амалдаги жаҳон чемпиони эса Португалия (3370) бўлиб, иккинчи ўринда бормоқда. Бразилия термаси эса учинчи бўлди (2138).
