Ўзбекистон президенти 44 нафар маҳкумни авф қилди

Тошкент. 20 март. ЎзТАГ – Ўзбекистон Республикаси Президенти Шавкат Мирзиев Наврўз умумхалқ байрами муносабати билан 44 нафар маҳкумни авф қилди, деб хабар беради Ўзбекистон телеграф агентлиги (ЎзТАГ) “Ўзбекистон 24” телеканали ҳаволасида.

Президент 19 март куни Наврўз умумхалқ байрами арафасида “Жазо муддатини ўтаётган, қилмишларига чин кўнгилдан пушаймон бўлган ва тузалиш йўлига қатъий ўтган бир гуруҳ шахсларни авф этиш тўғрисида”ги Фармонини имзолади.

Фармонга асосан авф этилган 44 нафар маҳкумдан 7 нафари жазодан бутунлай озод этилган, 11 нафари жазони ўташдан муддатидан илгари шартли озод этилган, 12 нафарига тайинланган жазо енгилроқ жазо билан алмаштирилиб, 13 нафар шахсга тайинланган озодликдан маҳрум қилиш жазосининг муддатлари қисқартирилди.

Таъкидландики, 30 нафар шахс жазони ижро этиш муассасаларидан оилалари бағрига қайтади.

Тақиқланган ташкилотлар фаолияти қатнашганлар афв этилганлар орасида 23 кишини ташкил этади.

Эслатиб ўтамиз, 2017 йилда Ш. Мирзиеев 2,7 минг нафар маҳкумни авф қилди. 2018-йилда Рамазон Ҳайити байрами арафасида 226 киши, Мустақиллик байрами муносабати билан – 261 киши, Конституция қабул қилинганлигининг 26 йиллиги муносабати билан – 136 кишини авф этди.

Сурат манбаи: xabar.uz