Ўзбекистон президенти Бангладеш Республикаси президентига ҳамдардлик билдирди

Тошкент. 14 март. ЎзТАГ – Ўзбекистон президенти Бангладеш Республикаси президентига ҳамдардлик билдирди, деб хабар беради Ўзбек телеграф агентлиги (ЎзТАГ).

“Ўзбекистон Республикаси Президенти Шавкат Мирзиёев Непал пойтахти Катманду шаҳрида Бангладеш авиакомпаниясига тегишли самолётнинг ҳалокатга учрагани муносабати билан Бангладеш Халқ Республикаси Президенти Абдул Ҳамидга мактуб йўллаб, ҳалок бўлганларнинг оила аъзоларига ҳамдардлик билдирди”, - дейилади давлат раҳбари матбуот хизматининг хабарида.

Эслатиб ўтамизки, 12 март куни бортида 71 киши бўлган самолёт Катманду аэропортига қўнишда ҳалокатга учради. Маҳаллий полиция вакилининг хабарига кўра, 49 киши ҳалок бўлган. Кўпчилик йўловчилар жароҳат олган.

Сурат манбаи: http://www.clickittefaq.com/president-greets-newly-re-elected-tulip-rushanara-rupa/