Ўзбекистон Президенти давлат органларидан бизнес билан янада тезкор ишлашни талаб қилди

Тошкент. 11 апрель. ЎзТАГ – Ўзбекистон Президенти давлат органларидан бизнес билан уларнинг муаммоларини ечишда янада тезкор ишлашни талаб қилди, дея хабар беради Ўзбек телеграф агентлиги (ЎзТАГ).
Давлат раҳбарининг ушбу талаблари у томонидан имзоланган “Ўзбекистон Республикасида инвестицион иқлим ва ишбилармонлик муҳитини янада такомиллаштириш бўйича қўшимча чоралар тўғрисида”ги қарорида баён этилган. Қарор билан 2014-2015 йилларда бизнесни ривожлантириш бўйича чоралар дастури тасдиқланган.
Хужжатга биноан Давлат алоқа қўмитасига Адлия вазирлиги билан биргаликда давлат органларининг тадбиркорлар билан ўзаро алоқа ўрнатиши зарур бўлган веб-сайтларини юритишни биргаликда назорат қилиш топширилди.
Шунингдек, ҳукумат томонидан ушбу тадбирларни амалга ошириш юзасидан назорат ўрнатилади, шу жумладан, бизнесменлар ўртасида доимий сўровлар ўтказиш йўли билан.
Эслатиб ўтамизки, бугунда тадбиркорлик субъектлари Ягона давлат интерактив хизматлари портали (my.gov.uz) орқали ҳукумат ва бошқа давлат органларига ўз шикоят ва мурожаатларини йўллашлари мумкин (шу жумладан, телефон орқали ахборот марказига).
Шунингдек, муассасалараро махсус ишчи гуруҳи ҳам тузилган бўлиб, унга тадбиркорлардан Ягона портал орқали тушаётган мурожаатларни уларни қуйи давлат органларига жўнатмасдан ўрганиш топширилган.