Ўзбекистон президенти Голландия Қиролини табриклади
Тошкент. 30 апрел. ЎзТАГ – Ўзбекистон Республикаси Президенти Шавкат Мирзиёев 27 апрель куни Нидерландлар Қироли Виллем-Александрни миллий байрам – Қирол куни билан муборакбод этди, деб хабар беради давлат раҳбарининг матбуот хизмати.
Эслатиб ўтамизки, Қирол куни ёки Қиролича куни – Голландия, Аруба, Кюрасао ва Синт-Мартенеда нишонланадиган миллий байрамдир. Ҳозирги пайтда 27 апрелда байрам қилинади (агарда якшанбага тўғри келмаса, тўғри келса – 26 апрелда), бунга қадар 31 августда ва 30 апрелда нишонланган. 2014 йилда Қирол куни 27-якшанбага тўғри келгани сабаб 26 апрелда нишонланган. Монархнинг таваллуд куни билан боғлиқ байрам миллий бирдамлик ва ҳамжиҳатлик куни деб ҳам қабул қилинади.
Сурат манбаи: https://www.ndr.de/fernsehen/sendungen/mein_nachmittag/royalty/niederlande/index.html