Ўзбекистон президенти Миср раҳбарига ҳамдардлик билдирди
Дата: 15:24, 14-08-2017.
Тошкент. 14 август. ЎзТАГ – Ўзбекистон Республикаси Президенти Шавкат Мирзиёев Миср Араб Республикаси Президенти Абдулфаттоҳ Ас-Сисига “Қоҳира-Искандария” темир йўл йўналишида содир бўлган мудҳиш ҳалокат натижасида кўплаб инсонларнинг қурбон бўлгани ва жароҳат олгани муносабати билан ҳамдардлик билдирди, деб хабар беради Ўзбек телеграф агентлиги (ЎзТАГ).
Бу ҳақида 12 августда давлат раҳбарининг матбуот хизмати хабар қилди.
ОАВ маълумотларига кўра, жума 11 августда Искандария шаҳрида икки йўловчи поезди тўқнашиб кетган. Натижада 41 киши вафот этиб, 132 жабрланган. Қоҳирадан йўлга чиққан поезд катта тезликда Порт-Саиддан келаётган таркибга келиб урилган. Оқибатда тепловоз ва беш вагон рельсдан чиқиб кетган.
