Ўзбекистон президенти мудофаа-саноат комплексини ривожлантиришга эътибор қаратди

Тошкент. 12 январ. ЎзТАГ – Ўзбекистон Президенти Шавкат Мирзиёев Хавфсизлик кенгашининг кенгайтирилган таркибдаги мажлисидаги нутқида мудофаа-саноат комплексини ривожлантиришга эътибор қаратди, деб хабар беради Ўзбек телеграф агентлиги (ЎзТАГ).

“Мамлакатимизда мудофаа саноати комплексини ривожлантириш бўйича улкан салоҳият ва имкониятлар мавжуд. Бироқ биз улардан умуман фойдаланмаяпмиз. Масалан, жойлардаги давлат ҳокимияти органлари раҳбарлари ҳудудларда ҳарбий хизматчилар учун махсус кийим-кечаклар, экипировка, турли асбоб-ускуналар, қуруқ паёклар ишлаб чиқариш, икки хил мақсадда фойдаланиш мумкин бўлган маҳсулотларни тайёрлайдиган цехларни ташкил қилиш бўйича катта имкониятларга эга”, - деб иқтибос келтиради давлат раҳбарининг сўзларидан унинг матбуот хизмати.

Буларнинг барчаси бизга қўшимча иш ўринлари яратишда жуда қўл келади, деб давом этди Мирзиёев.

“Президентнинг яқинда эълон қилинган фармони билан сизларга бу борада тегишли ваколатлар берилган. Сизлар ҳарбий қўшин турларининг талаб ва эҳтиёжларини ўрганиб, бу йўналишда ишни тўғри ташкил этишингиз мумкин-ку!”, - деб таъкидлади у. 

Энди вилоят ҳокимлари ва округ раҳбарларининг фаолиятига шу вазифа қандай бажарилаётганига ҳам қараб баҳо берамиз, дея таъкидлади Ўзбекистон Президенти.

Сурат манбаи: http://novosti-tadzhikistana.ru/tadzhikskie-kompanii-primut-uchastie-v-vystavke-pryazhi-i-volokna-v-stambule/