Ўзбекистон президенти Наврўзни пойтахтдаги Ўзэкспомарказда кутиб олди

Тошкент. 23 март. ЎзТАГ – 21 мартда Ўзбекистон президенти Шавкат Мирзиёев Наврўзни пойтахтдаги байрамона безатилган Ўзэкспомарказ ҳудудида кутиб олди, деб хабар беради Ўзбек телеграф агентлиги (ЎзТАГ).

Бу ерда ҳам, Наврўз байрами ҳамма жойда бўлгани каби умумхалқ сайиллари шаклида ўтказилди.

Мамлакат раҳбари матбуот хизматининг хабарига кўра, бу ерда давлат ва жамоат ташкилотлари вакиллари, ҳукумат аъзолари, турли соҳаларда самарали меҳнат қилаётган ватандошларимиз, мамлакатимизда фаолият юритаётган хорижий давлатлар элчихоналари ва халқаро ташкилотлар ваколатхоналари вакиллари жам бўлишди.

Бу ерда Тошкент шаҳри, Қорақалпоғистон ва ҳар бир вилоят учун алоҳида жой ажратилди. Унда ҳар бир ҳудуднинг ўзига хос санъати, анъаналари, ҳунармандчилиги, таомлари намойиш этилди.

Байрам фольклор-этнографик жамоаларнинг чиқишлари, миллий ўйинлар, одамларнинг ўйин-кулгулари билан биргаликда кечди.

Шавкат Мирзиёев одамлар билан кўришиб, суҳбатлашди. Боғ бўйлаб ҳар бир ҳудуднинг бадиий чиқишларини томоша қилди. Барчани Наврўз байрами билан табриклади. Юртимизга қут-барака, халқимизга тинчлик-фаровонлик тилади.

Сурат манбаи: https://nuz.uz/politika/31273-shavkat-mirzieev-posetil-narodnye-gulyaniya-v-uzekspocentre-foto.html