Ўзбекистон президенти Россия билан иқтисодий ҳамкорликка доир келишувни тасдиқлади
Тошкент. 2 март. ЎзТАГ – Ўзбекистон президенти Ислом Каримовнинг 2015 йил 23 февралдаги қарори билан Ўзбекистон ва Россия ҳукуматлари ўртасидаги 2015-2019 йилларда иқтисодий ҳамкорликни ривожлантириш ва унинг асосий йўналишларига доир келишув тасдиқланди, дея хабар беради Газета.uz.
5 йилга мўлжалланган келишувда биргаликдаги дастурларни қўллаб-қувватлаш механизмлари белгиланган бўлиб, битим ўтган йилнинг 10 декабрида РФ президенти Владимир Путиннинг Тошкентга ташрифи доирасида имзоланган эди.