Ўзбекистон президенти ШҲТ саммитида экспорт-импорт операциялари тартибларини соддалаштиришга чақирди
Тошкент. 11 июн. ЎзТАГ – Ўзбекистон президенти Шанхай ҳамкорлик ташкилоти (ШҲТ) саммитида экспорт-импорт операциялари тартибларини соддалаштиришга чақирди, деб хабар беради Ўзбек телеграф агентлиги (ЎзТАГ).
У бу чақириқ билан Хитойнинг Циндао шаҳрида 10 июн куни ШҲТ саммитининг кенг доирадаги музокараларида чиқди.
“Унда ташкилотга аъзо мамлакатлар билан бирга кузатувчи мақомидаги давлатлар, халқаро ташкилотлар делегациялари раҳбарлари қатнашди”, - дейилади Ўзбекистон президенти матбуот хизматининг хабарида.
Шавкат Мирзиёев, деб таъкидланади шундан сўнг, ШҲТ фаолиятини такомиллаштириш, савдо ва транспорт алоқаларини ривожлантириш, хавфсизликни мустаҳкамлашга доир муҳим ташаббусларни илгари сурди. “Жорий йил бошидан Ўзбекистоннинг ШҲТга аъзо давлатлар, унинг кузатувчилари ва шериклари билан савдоси ҳажми ўттиз фоиздан зиёд ошди. Лекин бу мавжуд имкониятларимизнинг чеки эмас. Бизнинг фикримизча, товар айирбошлашни янада ўстириш учун экспорт-импорт тартиб-таомилларини соддалаштириш керак. Шунингдек, биз давлат-хусусий шериклик тамойиллари асосида агросаноат кластерларини шакллантириш ҳамда қишлоқ хўжалиги маҳсулотларини етказиб беришда “яшил йўлаклар” тармоғини кенгайтириш тарафдоримиз”, - деди давлатимиз раҳбари.
ШҲТ маконининг транспорт-транзит салоҳиятидан самарали фойдаланиш зарурлиги, бу борада “Бир макон, бир йўл” ташаббуси доирасида минтақалараро транспорт лойиҳаларини амалга ошириш долзарб аҳамиятга эга экани таъкидланди.
Мамлакатимиз Ўзбекистон – Қирғизистон – Хитой, Мозори Шариф – Ҳирот темир йўлларини қуриш, шунингдек, Марказий Осиё – Форс кўрфази, Шимол – Жануб ва Шарқ – Ғарб трансминтақавий йўлакларни ривожлантириш тарафдори экани қайд этилди.
“Президентимиз юқори технологиялар, рақамли иқтисодиёт, муқобил энергетика ва замонавий тиббиёт соҳаларида инновацион дастурлар ва лойиҳаларни биргаликда амалга ошириш масалалари бўйича ҳам ўз таклифларини билдирди” – деб хулоса қилинади хабарга.
Сурат манбаи: http://tr.eyeni.info/resim-indir/?q=Deputat+sekilleri&page=7
