Ўзбекистон президенти ССРИ каби бирлашмаларга кирмаслигини баён қилди
Тошкент. 13 январ. ЎзТАГ – Ўзбекистон ҳеч қачон собиқ ССРИ каби бирлашмаларга кирмайди, деди республика президенти Ислом Каримов.
“Бизнинг халқ руҳига жавоб берувчи ўз тараққиёт йўлимиз бор. Илгариги ўтмишга энди қайтиш йўқлигини яна бир бор баён қилмоқчиман. Ўзбекистон ҳеч қачон собиқ ССРИ каби бирлашмаларга кирмайди”, - деб иқтибос келтирмоқда маҳаллий ОАВ душанба куни янгидан сайланган мамлакат парламенти қуйи палатасининг биринчи йиғилишида нутқ сўзлаган И.Каримовнинг сўзларидан.
Ўзбекистон президенти ҳозирги пайтда баъзи мамлакатларда собиқ иттифоқ давлати тизимига қайтишга ҳаракатлар бўлаётганлигини қайд этди. “Баъзи хорижий телеканалларда ленин ва сталин, ССРИ замонларини улуғлаш фактлари қайд этилмоқда. Бу ёндашув бизга тўғри келмайди”, - деб таъкидлади у.
И.Каримов Ўзбекистон ўз ҳудудида хорижий ҳарбий база ва объектларнинг жойлашишига йўл қўймаслигини яна бир бор эслатди. Унинг сўзларига кўра, бу 2012 йилда қабул қилинган Ўзбекистоннинг ташқи сиёсий фаолият концепциясида кўзда тутилган.
