Ўзбекистон президенти қурувчиларга янги аэропорт қурилишида тўғри ранглардан фойдаланиш муҳимлигини эслатди
Тошкент. 4 июн. ЎзТАГ – Ўзбекистон президенти Шавкат Мирзиёев қурувчиларга янги аэропорт қурилишида тўғри ранглардан фойдаланиш муҳимлигини эслатди, деб хабар беради Ўзбек телеграф агентлиги (ЎзТАГ).
Хусусан, бу ҳақида ўзбек етакчисининг Қибрай туманидаги аэродромда амалга оширилаётган ишларни кўздан кечириш доирасида сўз борди.
“Давлатимиз раҳбари қурилишда иссиқ ранглардан кўпроқ фойдаланиш, аэропорт ҳудудини кўкаламзорлаштириш, дренаж тизимини оқилона йўлга қўйиш зарурлигини таъкидлади”, - дейилади Ўзбекистон президенти матбуот хизматининг хабарида.
Шундан кейин қайд этилишича, ҳозирги кунда бу ерда лойиҳалаштириш ва умумий қурилиш ишлари бошлаб юборилган. “Эски учиш-қўниш йўлаги бутунлай олиб ташланмоқда. Президент Шавкат Мирзиёев мазкур ишларни кўздан кечирди. Аэропортда бунёд этиладиган объектлар лойиҳаларини такомиллаштириш бўйича кўрсатмалар берди”, - деб таъкидланади хабарда.
“Хорижий делегацияларни кутиб олиш биноси миллий маданиятимизни, бағрикенглигимизни кўрсатиб турсин. Самолётдан тушган одамнинг кайфиятини кўтарадиган, меҳмонларга ва ишбилармонларга ҳар томонлама маъқул келадиган бўлсин”, - деди Шавкат Мирзиёев.
Эслатиб ўтамизки, давлат раҳбарининг 2017 йил 30 июндаги қарори асосида Тошкент вилоятининг Қибрай туманида 2018-2020 йилларда бизнес авиацияси учун замонавий аэропорт қурилиши белгиланган. Лойиҳани икки босқичда амалга ошириш – биринчи босқичда 4 километрлик учиш-қўниш йўлаги ва соатига 250 йўловчини ўтказиш имкониятига эга терминал барпо этиш, иккинчи босқичда қўшимча инфратузилма объектлари, меҳмонхона мажмуаси қуриш режалаштирилган.
Аэропортда энг катта юк ташувчи самолётларни қабул қилиш ва уларга хизмат кўрсатиш учун барча шароит яратилади. Бу мамлакат транспорт ва транзит салоҳиятини янада ошириб, ташқи савдо ривожига катта ҳисса қўшади.
Сурат манбаи: https://kun.uz/ru/news/2018/05/28/v-taskentskoj-oblasti-poavitsa-novyj-aeroport?q=%2Fru%2Fnews%2F2018%2F05%2F28%2Fv-taskentskoj-oblasti-poavitsa-novyj-aeroport
