Ўзбекистон президенти Жиззах вилоятининг Зафаробод туманида шакар заводи қуришни топширди

Дата: 14:39, 02-04-2018.

Тошкент. 2 апрел. ЎзТАГ – Ўзбекистон президенти Жиззах вилоятининг Зафаробод туманида шакар заводи қуриш ҳақида топшириқ берди, деб хабар беради Ўзбек телеграф агентлиги (ЎзТАГ).

“Биз бу ҳудудда лавлаги етиштириш, уни қайта ишлаб, шакар чиқарадиган завод қуришни режалаштирганмиз. Бу мамлакатимизнинг шакар мустақиллигини таъминлаш учун жуда зарур. Қайта ишланган маҳсулотни озуқа сифатида ишлатиб, чорвачиликни ҳам ривожлантирамиз”, - деб иқтибос келтиради Ўзбекистон президенти матбуот хизмати унинг Зафаробод туманидаги сув омборининг қурилиш жараёни билан танишишда айтган сўзларидан.

Таъкидланишича, бу сув иншооти Жиззах вилоятида фойдаланилмай турган 20 минг гектар ерни сув билан таъминлаш, экин майдонларини кенгайтириш имконини беради. Шу атрофдаги туманларда ҳеч нарса экилмаган, кучли ер кўп. Уларга экспортбоп ва саноатбоп экинлар экиб, юқори даромад олиш мумкин.

“Шу ерда 2018-2019 йилларда Жиззах вилоятида ирригация-мелиорация Давлат дастури асосида амалга ошириладиган ишлар, гидроиншоотлар лойиҳалари юзасидан ахборот берилди. “Ўзбекгидроэнерго” акциядорлик жамияти томонидан Зомин ва Зафаробод туманларида микроГЭСларни қуриш ва модернизация қилиш инвестиция лойиҳалари тақдимоти ўтказилди”, - дейилади хабарда.

Давлат раҳбари ушбу қурилиш ва модернизация ишларини сифатли бажариш, бунинг учун молиявий ва ташкилий кўмак кўрсатиш бўйича мутасаддиларга топшириқлар берди.

Шунинг билан Президент Шавкат Мирзиёевнинг Жиззах вилоятига ташрифи ниҳоясига етди.

Эслатиб ўтамизки, 30 мартда Ўзбекистон Президенти Шавкат Мирзиёев Жиззах вилоятида бўлди.

 

Сурат манбаи: https://telegraf.com.ua/mir/drugie/33079-vopreki-sanktsiyam-ssha-sudan-otkroet-moshhnyiy-saharnyiy-zavod.html

Янгилик билан ўртоқлашиш: