Ўзбекистон президенти журналистлар ва матбуот ходимларини касб байрами муносабати билан мукофотлади

Тошкент. 28 июн. ЎзТАГ – Ўзбекистон президенти Шавкат Мирзиёев журналистлар ва матбуот ходимларини касб байрами муносабати билан мукофотлади, деб хабар беради Ўзбек телеграф агентлиги (ЎзТАГ).

Хусусан, “Ўзбекистон Республикаси санъат арбоби” номига Ўзбекистон Ёзувчилар уюшмаси аъзоси, таржимон, публицист Асил Рашидов, “Ўзбекистон Республикасида хизмат кўрсатган журналист” унвонига “ХХI аср” газетаси бош муҳаррири Норқобил Жалилов ва Ўзбекистон Миллий телерадиокомпанияси “O‘zbekiston 24” телеканали бош муҳаррири Фарҳоджон Маҳмудов, “Ўзбекистон Республикасида хизмат кўрсатган маданият ходими” номига адабиётшунос, муҳаррир-ношир Ваҳоб Раҳмонов сазовор бўлдилар.

Шунингдек, 5 киши “Меҳнат шуҳрати” ордени билан, 9 киши “Дўстлик” ордени ва 16 киши “Шуҳрат” медали билан тақдирланди.

Сурат манбаи: https://ns.cn.court.gov.ua/sud2513/pres-centr/news/409912/